كل سنة وانتم بالف خييييييييييييير

كل سنة وانتم كلكلم طيبين وعيد سعيد عليكم يارب

انا من قالوا عني طبيب

طبّب طبيب الطبباني
طبطب طبطوب علي طبّاني
طبوب علي طبطب طبّابي
طبطب علي اطيب طبراني
انا من قالوا عني طبيب

فوقوني .. لاحسن اغيب
واروح واتوه عن اي قريب
واصبح انا في الدنيا غريب
انا .. من قالوا عني طبيب

طبّب طبيب الطبباني

عايش وتايه في حكاية
ان الباشا ابو العريف
تايه جوا اي رواية
انه اجدع دكتور حريف
وراح يرجعوا يوصفوا فيا
ويقولون عني طبيب

طبّب طبيب الطبباني

طب ياللا نلعب حادي بادي
كله ييجي الناحية دي
قبل ما اقول عاليادي اليادي اليادي
يا ماجرح الورد ايادي

طبّب طبيب الطبباني

طبطب عكتافي لهعيط
وابكي واصرخ واصوت
وعن الطب راح اشحوط
واقول يا ريتني ما كنت طبيب
انا من قالوا عني طبيب

اختفاء صاحبي

السلام عليكم ورحمة الله وبركاته ........ كيفكم ... دي قصة قصيرة كنت كاتبها واهو قلت انشرها هنا

بدون اية مقدمات لم اجده
بدون ان يقول لي انه راحل او حتي لمح لي انه سيتركني
فقط اخذ حقيبته ورحل
حتي انا لا اعرف هل رحل حقا ام انه فقط اختفي .. دون اي دليل عن سبب اختفائه
استيقظت باكرا كعادتي لاجده قد رحل
لا اعرف عنه اية معلومات .. اتصلت بكل من يعرفونه .. نزلت الي الشارع لاسال عنه كأم تسال عن رضيعها المفقود
ولكن مرت اللحظات والساعات و الايام دون جدوي في ان اجده
صاحبي .. هو انا .. صاحبي اكثر من انا
صاحبي .. اين اهو؟؟؟
رجعت الي بيتي مثقل الخطوات ...كيف ارجع الي البيت دون اجده ؟؟ دون ان اسمع صوته يتصل بي ليطمئن علي
لعلكم تستغربون حكايتي مع صديقي
فهو ليس بصديقي وفقط انه اخي .. انه انا
فبرغم اختلاف طبايعنا ... لكننا كاننا واحد
امسكت دفاتري .. اتصفح بعض الصور واتذكر حكاوينا .. ابتسم .. اضحك
اتذكره ... تكتم تلك الضحكات .. ولا اعرف كيف ارجعها ثانية لترتسم علي شفتاي
ارتاح علي اريكتي المعتادة .. يغمض جفناي
وتمر لحظات قصيرة ويرن جرس الهاتف
ارد عليه .. نعم ؟؟ من معي
انه انا صديقك
صديقي
عفوا صديقي اضطررت للرحيل حتي لا يخسر كل منا الاخر.. عفوا صديقي
ثم.... اغلق الهاتف ... و ..... واختفي

طبب طبيب الطبباني

وانا قاعد مع نفسي بافكر كتير

ويمكن اكتر حاجة بتشغلني اليومين دول وبتشغل كتير من خريجي الطب وهي مشكلة التحضير واننا خلصنا دراسة وطلع عينا 7 سنين وزهقنا وعايزين نلحق نحضر اي حاجة قبل ما نضطر اننا نحضر عفاريت

المهم بييجي للواحد خواطر كتير منها الماجستير بس مشكلته انه لازم تكون في نيابة ... وتسال عن النيابة يقوم يطلع قرار السنة دي بس ان بداية النيابات بعد سنة ونص من التكليف..... طب يا اخوانا عايزين نحضر لان التحضير لسه بياخد وقت ومش هنقعد كده ممارسين عموميين.... ثم سنة ونص ايه هي ناقصة؟؟؟

اتفتح باب امل جديد قدامنا لما قالوا ان الزمالة المصرية فتحت ابوابها لتلقي من تعثر ولم يحصل علي نيابة الجامعة قلنا خير وبركة .. خصوصا بعد ما عادلوها بالزمالات العربية والسعودية ... قلنا منها دراسة وتعليم وكمان فرصة للسفر برة ... وعد ما نوينا اننا ناخد بعضنا ونروح نقدم .. تنزل ولاول مرة اشتراطات جديدة ان اللي يقدم لازم يكون عدي عليه علي الاقل 6 شهور في النيابة في وزارة الصحة او في بعض الاقسام يكون محضر دبلوم او ماجستير .... ولو حضرتك قليت بعقلك وقلت احضر حر طب انت حر وزنبك علي جنبك ادفع بقي ... ابجني تجدني ... 10000 جنيه في السنة يعن يتكلفك حوالي 50000 جنيه لما تخلصها ... وما خفي كان اعظم

وبعد الدنيا ما ابيضت كده... اضطررت اسفا اني ادور علي التحضير الـــلي بالي بالك (مش قانوني يعني بس بالانجليزي) بس نفسي ما طوعتنيش بعد ما جبت شالشهادات وتبين ان اللي قدم اخد زنبة لان كل جامعة وخصوصا بنها وشبين الكوم اللي كانت بتقبل الشهادات دي اكتفت بطلابها ومبصتش للاي من برة الجتمعة .. قلت الحمد لله ان انا مروحتش...

طبعا انشكحنا علي الاخر وعرفنا ان الله حق ... واتلمينا ولمينا ورقنا وعالوحدة الصحية والعلاج هناك ببلاش من غير ما تدفع نقدية..

ياللا خير وكل سنة وانتم طيبين ويجعله عااااااااااااااااااااااااامر

فطار علي شط البحر

امبارح رحنا كلنا فطرنا عالبحر في اسكندرية في شط ابوقير

كان يوم جميل جدا

رحنا قعدنا علي مطعم علي شط ابوقير

المطعم كان زحمة بس كانت قاعدة جميلة

الهوا طبيعي مش بتاع التكييف ولا المراوح

وبعيد عن التلوث

وبتفطر مع ناس جداد عليك

كان يوم جميل فعلا

وبعد كده قعدنا علي البحر علي طول وصلينا المغرب برضة عالبحر

تغيير جميل جدا

وتجديد جميل

ياريت لو الكل يغير يوم يفطر فيه برة البيت وفي حتة جديدة مش لازم مطعم

ياللا.... كل سنة وانتم بالف خير

الكابووووووووووووووس

وهو فعلا كابوس

ابو حفيظة اللي فعلا صور للناس انه اعلامي كبير

الاعلامي الفذ

العبقري

سيد ابو حفيظة

اللي كل النجوم بيتمحكوا عشان يتصوروا جنبه
سيد ابو حفيظة
اللي من نسيج الشعب المصري

ليه بقي يهمنا اننا نشوف حد يشتغلنا ويجيب ناس تشتغلنا وتصورلنا ان السيد ابو حفيظة هو العلامة اللي بيستظرف واحنا مجبرين اننا نستمع لاستظرافه وحكايته عن قصة حياته الوهمية

مانكرش ان في بداية ظهور نشرة الخامسة والعشرين كنت مستلذ الفكرة وكانت جديدة ودمها خفيف لكن اتنقلت من جانب الابداع الي جانب الاستظراف والاستظراف الزايد عن اللزوم ..

برضة في بداية برنامجه الرمضاني الكابووووووووس .... كان بيجيب نجوم كبار وهمه بيهزروا وضحكنا شوية
لكن ان الاخ يزود في الهزار التقيل ويجيب شخصيات تستظرف بزيادة زي الدكروري ايمن (صديقه الانتيم) ولا الدكتور متخصص الجارحات النفسية البديلة ده

كده زيادة

معايا ولا ايييييييييييه

بعد اذنكم المدفع ضرب..... صايم

نفسي اتوب

نفسي اتوب

وقلبي شايل مليون ذنب

حاسس بتوهة

وصوت ينادي يقول ارجع

وصوت يقولي متسمعلوش

وانا تايه وسط ذنوب

ونفسي اتوب

وصوت يقولي مش وقته

ده انا في رمضان

وان راح

اجيب تاني منين وقته

واقول في نفسي ياللا نتوب

الاقي جبال محوطاني

وذنوبي جوة خنقاني

وانت ليك كده توبة؟

اكيد ليا

ماهو اللي خلقني لا ينساني

ولو رجعت هيقبلني

واحلف ماعدش من النوبة

وارجع الاقي في قلبي الذنب

بيعاود

اسال طب ليه بس الكدب

وبتهاود

يقول عادة ...و مش وحدك

تفكيرك هو سبب تعبك

طب لو رجعت هيقبلني؟

حتي بعد ما عدت الذنب

ياربي الحسرة بتقتلني

وجوايا اتدبح القلب

نفسي اتوب ... ومش عارف

ابص لقلبي يقول خايف

انوي التوبة وادعيله

الاقي الذنب بيرجعلي

اقول مش عامل .. وانويله

الاقي شيطاني بيسمعلي

ومستنيني بس اغفل

والاقي نفسي كمان تغفل

وارجع تاني لنفس الذنب

وارجع اقول

نفسي اتوب